Minkashka kamachikkunata rantinchinata shamuk hunkapi rimanakuna Elízabeth Cabezas, Mamallakta Tantanakuyta pushak rimarka.
Kay rimaytaka kamachiy kilkak samarina pacha pawkar killa, 26 puncha kallarinamanta rikushpami shina willarka.
Mayhan kamachiy killkakkuna yaykurinata rikukunchik, shamuk hunka kallari puncha Mamallakta Tantanakuypi atinakuna kanka nirka.
Kay willaytaka Mamallaktapak karurikuchikpimi riksichirka, minkashkunata mushukyachinaka “minkashkakuna mashiyarishka llankachun, mushuk llankana ñankunata charichun, kunan tiyak llakikuna anchurichun yanapanka”. Kay llakikuna tiyakpipash mutsurik kamachiykuna atinakuypi kak utka arinirichunmi shuyan.
Kamachiywan llankay, llankayta katinapash
Mamallakta Tantanakuypak katikillata tukuykunaman shamuk punchakunapi riksichinka. Minkashkakunaka kamachiyta killkashpa achkatami llankamushka, chikan chikan llaktay tantarikunami atinakushpa, shuklla yuyayman chayashpa killkaskhka kan. Mamallaktaka kullki wiñarichun, llankaykuna tiyachun, kapukkuna mirarichunmi mushuk kamachiykunata mutsun nirka.
Tukuy kamachiy killkakkuna shuklla yuyaywan llankachun shuyani nishpa llaktaman willarka, mana shina kakpika, Mamallakta Tantanakuyta pushak tukuchun yanapak llaktay tantarikunawan tukushpa sinchita llankashun, shinami “tawka mushuk kamachiykunata arinishun”, nirka.
“Kamachiykunami Ecuador llakta allichirichun achkata yanapanka, kay munaytaka llaktay tantarikuna harkanata mana ushankachu. Sapan llaktay tantarikuna chikan chikan yuyayta charishpaka Mamallaktapak kullki mirarichun mana yanapashunchu, rimarka.
LILA/pv/jc-kichwa
