Mamallakta Tantanakuy shamuk chilla puncha chay CPCCS kamaywasiman kunakkuna yaykurichun imashina akllanata rikunka

Lunes, 19 de marzo del 2018 - 12:48 Imprimir Elaborado por: Sala de prensa

Shinami Mamallakta Tantanakuy pushak Elizabeth Cabezas Guerrero kayashka, chilla, 21 puncha, pawkar killa chay CPCCS kamaywasiman kunakkuna yaykurichun imashina akllanata rikunka.

Shinami 10h00 sayllata atinakuy kallarinka, chaypimi Consejo de Participación Ciudadana y Control Social (Cpccs) kamachiyta ishkaykutin atinakunka, shinami 4 puncha, panchi killa, 2018 watapi llaktakuna arinishkata paktachinka.

Kay atinakuytaka Comisión Ocasional Consulta Popular 2018 tantari rimashkata hapishpami kallarinka, kay llankaytaka Daniel Mendoza Arévalo kamachiy killkakmi pushamurka, kallari atinakuypi kamachiy killkakkuna, tantarikuna, kamaywasikuna, llaktayukkuna yuyayta, rikuykunata churashkapi tiksirishkami kan.

Kay mushuk kamachiyka mishanakushpa, mananishka akllarina ñantami anchuchin, kallari yuyaypika Consejo Nacional Electoral (CNE) kamaywasi rikunami karka, llaktakuna saywashka kuskakuna apuchiwan akllashka yaykurinami karka, chaypak imashina akllarina ñanta mashkana kan.

Mushuk kamachiypak yuyayka kanchis saywashka kuskamanta kari, warmi kunakkuna, kipa kunakkunapash akllarichun yayaytami charin, chaypak CNE kamaywasimi akllarina mutsuyta paskanka. Runa llaktamanta, yanallaktamanta, yunkallaktamanta, Ecuador llakta istallaktapi kawsak kari, warmi alli runakuna akllarinka. Shinallatak kamaywasi, runa tantarikuna yanapashka akllarinata ushanmi.

Mananikuna

Mananikunaka: mana kusawarmi kana, kari warmi tantarishka kana; mana chuskupata yawar ayllu kana, Mamallakta Pushakwan, Kipapushakwan mana mashi kana. Shinallatak Consejo Nacional Electoral kamachikwan, markapi akllakwan, kamachiy killkakkunawan, marka kamakwan, kitipushakwan, Cpccs akllashka hatun kamachikkunawan mana ayllu kana, akllarina punchakama 30 killata llankaymanta anchurishka kana.

Mamallakta Tantanakuypak ukupi Daniel Mendoza Arévalo, Comisión Ocasional tantarita pushak mushuk kamachiyta rikuchinka. Paymi imashina kay mushuk kamachiy akllayta pushamushka willayta atinakuypi riksichinka.

EG/pv/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador