Mama Elízabeth Cabezas, Mamallakta Tantanakuyta pushak Mamallakta wasipak awkakuna rantinchikuy pacha Carondelet wasipi karka, chayman Mamallakta pushak Lenín Moreno chayman kayarka.
Hatun wasi patamanta tantarikunata, kiti ayllullaktakunaman shamuk pushakkunata naparka, chayka Quito kitipak, Plaza Grande kuskapimi sakirin, shinami Mamallakta pushakta yanapayta rikuchirka.
Shinami “Mamallakta Tantanakuy pushakka ñakarik warmipak shutipimi llankakun, llaktapak shunkumanta shamushka warmimi kan.
Payka Ecuador llaktapi kawsak runakunapak shutipimi llankakkrin, kunan mushuk pachapi llankayta yanapana punchami kan”, Ximena Sánchez rimarka, payka Liberación Moderna hawa llankakmi kan, Quito llaktaktamantami shamun, chay pachallatak shuktak pushak mashikunaka killkashka hatun pankatami rikuchirka, shinami unancha killkata Elizabeth Cabezas llaktayukkunawan kakta rikuchirka.
Shinallatak Lenin Campaña, Centro Histórico Tampukunamanta kipapushak, kunan Mamallakta Tantanakuyta pushak, Quito kitimanta achkata yanaparka nirka, paymi 300 kiti ayllullakta kamachiywan shutichirka, chayka 30 waranka ayllutami yanaparka.
Shuktak llankaykunamantaka sumak yachanawasiman richun, kullkita mana hapishpalla yachaykunata kurka, samarina pachakuna yanacha karpapi yachachirka, shuktak yachaykunatapash llaktayukman yachachirka. “Mamallakta Tantanakuyta pushaypi kushita charichun rikunata munanchik, tukuykunata yanapashpa alli llankayta rikuchinka nishapa”, iñinchik nirka.
Chay Granaderos de Tarqui, shuktak awkawan rantinchirikuy pacha: Lenín Moreno, Mamallakta pushak; María Alejandra Vicuña, kipapushak; hatun kamachikkuna; hatun awka kamachik; Mariano Zambrano kayashka, Manta llakta kitipushak chaypi karka. Shinami kishpiyrishka Hatun Pampamanta tantarikuna, llaktayukkuna, willak hillaykuna yanaparka.
Chay Palacio de Carondelet wasita kamankapa kallarik waylla churarishka awkakuna aknayta, astita, paywankayta kurka. Shinallatak llukshik awkakunamanta sumaychak rimaykunata, sable unanchata chaskirka.
LILA/pv/jc-kichwa
