Shinami Comisión de Fiscalización y Control Político pushak, María José Carrión, llaktay tantariman yaykurishka kamachiy killkakkuna 61 apuchiwan chay fiscal general del Estado Carlos Baca Mancheno kamachikta llaktay wanachiyta rurachun arinirka.
Chaymanta kipaman kay (CAL) tantari imashina wanachinata rikunka, kipaman Comisión de Fiscalización tantariman kachanka, paykuna ñawpakman pushanka.
Kamachiy killkakpak yuyaypika, llaktay wanachinata rurankapa mañashkata chaninami kan, chaytaka unipak minkashkakunata, CAL tantarita allichishka kipami paktachinka.
Chaymanta Carrión pushak, CAL tantari llaktay wanachiyta rurachun arininkapa pachata manarak rikushkata charinchu nirka, chayka Mamallaktapak llankay katikillata, kutsik llankaykunata rikushpa punchata churanka. Imashinami, Mamallakta tantanakuyman utkashpa kullki kamachiyta arinichun kachakpi, 2018 watapi hatun tapuymanta kamachiyta kachakpi ña pachata mana charinchu.
Mama Carrión rimashka shinaka, chay CAL tantarika, Mamallakta Tantanakuy llaktayukkunawan kimirishpa llankakuy pachami kanka. Chay tupupimi, minkashkakuna paypak wallpata allichina kan, kamachikkunapash rantinchirinatami charin. Chaymanta Mamallakta Tantanakuypak llankaykunapash allichirinatami charin.
Shamuk Comisión de Fiscalización tantarimi chay Fiscal General de la Nación kamachikpak llaktay wanachiytaka ñawpakman pushanata charin nirka.
Ninanta tikrachi
Shuktak yuyaypi, María José Carrión, pay Comisión de Fiscalización tantarita pushak kashkamanta anchurina hawa tapukpika, kay tapuy mana mutsurinchu, Mamallakta Hunta Tantari, pay atinakuypi tukuy Minkashkakunata, Consejo de Administración Legislativa tantarita rantinchinata arinirka.
JLVN/pv/jc-kichwa
