Shina llaktakuna arininkapa makipi charin, kayka shayarishka llakta ushaymi Consejo de Participación Ciudadana y Control Social kamachiyta allichinkapa sinchiyachin.
Shinami Ecuador llaktamanta runakuna kay wata hatun tapuypi arinirka, chaymanta 98 apuchiwan arinishpa kamachiyta mushukyachinata usharka.
Kay Consejo de Participación Ciudadana kamaywasi allichirichun, allita awllichun, apuchun tantachin.
Shinami kay kamaywasika kanchis kunakkunami yaykurinka, kanchish kipa kunakkuna yaykurinka, paykuna shuktak llankaytapash charin, kay kamaywasika hatun Fiscal kamachikta, Contralor kamachikta, Procurador kamachikta, Superintendentes kamachikta, chay Consejo de la Judicatura kamachikta shayachinka.
Mamallakta Tantanakuyka imashina Consejo kamaywasiman yaykurina kamachiypak ñantami allichin; kaypimi akllashpa runata churakkuna rikunata charin. Kunan kamachiywan, chay Consejo Nacional Electoral (CNE) kamaywasimi akllanata ushan, kunanka mana mishashpa, mananishka akllarinkachu, tukuylla rikurinata llankan.
Kay Ecuador llaktamanta runakuna kashpapash, 18 wata yalli watata charishpapash, tukuylla kullkita mana yanka hapina kan, kay llankayman yaykurinkapa kimsaniki yachaytami charina kan; shuk tantaripi llankashka yachayta charina, llaktayukkunawan llankashka yachayta charina, shuwaykunata takana, Mamallaktapi hatun llankayta rurashkata rikuchina.
Kay kunakkunaka, kusawarmi mana akllarinkapa yaykurinkachu kan, mana sawarishpa shina kawsakkunapash mana akllarinkachu, Mamallaktapak Pushak, Kipapushakpak ayllu kashpa mana akllarinata ushanchu. Shinallatak marka kamakpak, kamachiy killkakpak ayllu kashpa mana akllarinkachu. Kay Rentas Internas kamaywasiman, Seguro Social kamaywasiman manuta charishpa, chay araísos fiscales wasiman kimirishka kashpa mana akllarinkachu.
LILA/eg/jc-kichwa
