Kay Mamallakta Tantanakuy pushak, Elizabeth Cabezas, kay Ecuador llaktamanta, chay Naciones Unidas (NN.UU), Luis Gallegos ista kamachikwan rimanakuyta charirka.
Shinallatak kay Mamallakta Tantanakuy, Ecuador llakta, chay Unión Interparlamentaria tantaripi rikurina hawa mañarka.
“Kunanmi kay Parlamento Ecuatoriano ista llaktakunaman rikurina pacha kan, allpapachapi tiyak Mamallaktakunata llankaypi ñawpashka, shina paypak llankayta istallaktakuna riksishka kachun shuyan”, shinami Gallegos kamachik, rimanakuyta charishka kipa rimarka.
Mamallakta Tantanakuy sinchita runa hayñimanta, purik runamanta, kari warmi pakta kachun, wakchayayta takashpa llankashkata istakamachik rimarka. Shuktak llaktamanta kamachiy killkakkuna. Yapa, imashina llankaykunata pushanamanta rimanka, shamuk killakuna mushuk rimanakuyta charina hawapash rimanka, chaypi Mamallaktapi, istallaktakunapi llankana katikillata churanka.
Chayka purikkunamanta llaktapura rimana, kaytaka Unión Interparlamentaria tantaripak 138 rimanakuypi, yachaykunapi riksichinka, shinami kay killa 24 punchamanta, 28 puncha, pawkar killakama, Ginebra-Suiza, NN.UU wasipi tantarinka.
Kay tantaripika Fernando Burbano, Ángel Sinmaleza, Marcia Arregui, María José Carrión kamachiy killkakkuna kanka, paykunami rimayta ista tantaripika charinka, shinallatak warmikuna kasilla llankana, kullkimanta kamachik, istallaktaman mintalana kamachik; warmi, pakta runa kasiklla kachun, kamachun llankanka.
LM/pv/jc-kichwa
