Shinami Unión Interparlamentaria (UIP) tantaripak, 138 yupay rimanakuypi kamachiy killkaku kan.
Shinami Ecuador llaktamanta kamachiy killkak Ángel Simaleza, chay Comité Permanente de Paz y Seguridad Internacional tantaripak shutipi rimarka.
Cahyka “La Paz sostenible como medio para alcanzar el desarrollo sostenible” hawa rimashpa, chay Chay Colombia saywapi llaki tiyashkata tsiknirka.
Tawka rimaykunata charishpa, kay killapak 24 punchamanta, 28 punchakama rimanakuy chutarirka, chaypimi Ecuador llaktamanta, María José Carrión, Foros de Mujeres y Jóvenes tantaripi rimanka, kipaka Marcia Arregui, Comité de Democracia y Derechos Humanos tantaripi rimanka; katipika Fernando Burbano, Comité de Desarrollo Sostenible, Financiación y Comercio tantaripi rimarka. Kay patakukunapi achkata atinakunka, yuyarishkakunata arinichun mashkakun.
Kay Esmeraldas markapi llaki tiyashkata takan
Kay rimanakuyta chawchashpa chay Colombia saywapi llaki tiyashkata Ángel Simaleza kamachiy killkak sinchita atirka, “sacha awkakuna ñukanchik llaktapi kawsak kari, warmi runakunata, awkakunata, chapakkunata manchachichun, wañuchichun mana sakichun nishpa sinchita rimarka”,
“ Ecuador llaktapak kasilla kawsayka llaki mana tiyaklla, mana kanchu, kullki wiñarichun llankana, runakuna alli kawsachun, alli llaktay tiyachun, llaktakuna wiñarichun llankana, pachamamawan mashiyarishpa kawsanami kan”, rimarka.
Shuktak rimaykuna
Miyuy hampi apayta, shuktak ancha llakikunatapash riman, ista llaktakunawan tukushpa shuway hawapash rimarka. “Ecuador llaktamanka Perú llakta, Colombia llakta chawpipi kawsanaka ancha llakimi kan, kay llaktakunapi muspachik yurakunata tarpun, shinapash kay llakikunamanta llukshinkapa llankakunchik nirka.
LILA/pv/jc-kichwa
