Kay Acuerdo Ministerial 094 kamachiyka llankaypi shutichishkakunata llankaymanta anchuchinkapami shuk ñanta kun.
Kunanka, chay kamachiymi llankaypi payayashpa anchurina shutiwan anchurichun yanapan.
Chaymanta 22 puncha, aymuray killa, 2017 watamantami katimun, kamachiy purikuypi tawka llakikuna rikurishka, chayrayku runakuna hatarimun.
Shinami kamachiy killkak Norma Vallejo, kamachiy killkakkuna, llankaypi rukuyashkakuna Acuerdo Ministerial No. MDT-2017-094 kamachiyta anchuchichun mañan.
Shinami payayashpa kullkita hapinkapaka Seguridad Social kamachiy rimashkata katina nirka, kay kamachiymi 184 nikipi imashina kullkita hapinkapa katinata willan nirka.
Kay 70 watata manarak charikkuna, llankaymanta anchurinata munashpaka, llankayñanta rurashka tiyakpillami rikuchina nirka, mashna kullki tiyashkata riksina kan nirka “ kaytaka Orgánica del Servicio Público (LOSEP) kamachiypak, uchilla kamachiy 288 nikipa, kallari killka milkapimi rikuchin”.
Kay runakunallatak pay munashpaka llankaymanta anchurinata ushanmi nirka, chaypakka, Losep kamachiypak 47 nikita, “a” killkata hapina), kipaman Instituto Ecuatoriano de Seguridad Social (IESS) kushka yanapaykunata hapina nirka.
Kay Norma Vallejo kamachiy killkak, kay yuyarishka kamachiyka 31 puncha, pawkar killa, sapan watakama tukuylla kamaywasikuna llankay ñanta rikuchina kan nishpami riman, kipaman chay Ministerio de Trabajo kamaywasiman chayachina kan, chaytaka 30 puncha, ayriwa killakama kanka, chaypimi llankaymanta anchurina kachun yanapan.
RSA/pv/jc-kichwa
