Kay Joaquín González-Alemán, Unicef kamaywasimanta Mamallakta Tantanakuyman shamurka, kaypimi Elizabeth Cabezas, Mamallakta Tantanakuy pushakta naparka,
Shinami payka istallakta kamaywasiwan wawakunapak hayñi paktachun, Mamallakata Tantanakuypak llankaywan yanapashun nirka.
Mamallakta Tantanakuypi tawka kamachiykuna killkaymanta rimanakushun nirka, kamachiy alli paktachun Unicef kamaywasi yanapanka, González-Alemán rimarka, Mamallakta Tantanakuyta pushakka may allitami rimarka, mutsuykunata kuchullamantami riksin nirka.
Kay kamachikkuna, paypak llankana hawa, Comisión de Relaciones Internacionales tantari hawa charin nishpa rimarka, kay 59 Mamallaktakuna killkashka panka, wawakunapak hayñi hawa ashtawankarin rimarka, kay hawa Mamallakta Tantanakuy arinina kan nirka.
Kay Unicef kamaywasimanta shamuk kamachik, aymuray killapi yachay tiyanamanta rimarka, chay yachaypika kamachiy killkakkunamanta, hatun kamaywasikunamanta shamunka, paykunami wawakunapak hayñimanta rimanka, Mamallaktapi kawsak wakcha wawakuna, wawakuna, imillakuna ukllana llikamanta rimanka.
Chay kamachikka, paypak kamaywasi chay Grupo Parlamentario por los Derechos de los Niños tantarita yanaparka nishpa willan, Mamallaktapi wawakunata, imillakunata, wakcha runakunata yanapana yuyayka kamachiy killkakunapak, wakin minkashkakunapak llankaymi kan.
LILA/pv/jc-kichwa
