Chay Pujilí llaktamanta Federación Indígena Evangélica de Cotopaxi (FIEC) tantarimanta 14 kari warmi runakuna, Mamallakta Tantanakuypak wasita riksishpa purirka.
Kay Coordinación de Participación Ciudadana ukumanta shuk awllik kichwa shimipi rimashpa imalla Mamallakta Tantanakuypak ukukunapi tiyashkata, hunta rimanakuykuna imashina awllikta riksichirka.
Shinami yachak Oswaldo Guayasamín shuyushka Mural de la Patria maruta riksichirka, shinallatak imashinatak kamachiykunata wallparin chaytapash riksichirka, paykunapash “shuk punchalla kamachiy killkak” kana hayñitapash riksichirka.
Kipaka mashi Abelardo Tipantuña, paykunapak tantarita pushak, Pujilí llaktamanta kari warmi runakuna kay mushuk yachaykunawan, mushuk riksikunawan kushiyarini nirka, kunanmi Mamallakta Tantanakuyta riksin nirka.
Ñukanchik churashka kamachiy killkak rimanakuypi sinchita atinakuypi asha kushiyarishka kanchik nirka. Shuk kamachiy killkakpak tiyarinapi tiyarishkaka wiñaypak mana kunkarina yachaymi kan nirka.
Kay runa pushak Mamallakta Tantanakuy awllita riksishka kipa, imashinami minkashkakuna llankakta rikushka kipa, chay FIEC tantarimanta shuk pushakta “shuk punchalla kamachiy killak” tukuchun mañashun nirka, paymi imashina chay runakunallatak kishpiy hawa riksichinka, ñawpa pachamanta kay yachay shamukta yachachinka.
Tukuy llaktayukkuna paypak yuyayta churankapa rimayta charina kashkata riksishpa kushilla tukurka. Kaytami mana riksirkanchik, kunanka ñukanchik llaktakunaman, runallaktakunaman riksichishun, Tipantuña puashak rimarka.
Paymanta, mama María Ayala, kay Mamallakta Tantanakuypi kunan shina, runakunata kichwa, ñukanchikpak shimipi riksichinaka may allimi kan, chaymi achiklla rimaykunawan allita hamutarinchik nirka, shina ñawpakman katichun mañarka.
JLVN/pv/jc-kichwa
