Chay Azuay llaktapak, Paute kitimanta, Unidad Educativa 26 de Febrero, yachana wasimanta, 160 yachakukkuna Mamallakta Tantanakuyman chayamurka.
Paykuna imashnami kay kamachiy killkay wiñaykawsayta, llankayta riksirka, kiman paykunapash hatun runakuna shina kata munarka.
Yachakuk Kely Vásquez, imashinami Mamallakta Tantanakuy llankakushkata riksichishpa achkata kushiyarini nirka, kamachiy killkakkuna llaktayukkunata yanapanarayku kamachiykunata wallpan, atinakun nirka.
Pay Mamallakta Tantanakuypi yachashka shukkutinllami kan nirka. Mamallakta Tantanakuypak llankayta karurikuchikpilla rikushkawan, chayamushpa rikushkawan mana kanchu, shuktakmi kan, shina: wasi ukupi kana, kamachiy killkakkunapak llankayta riksina, kamachiy killkakpak tiyarinapi tiyarina, kay Salón del Pleno ukupi kana, Oswaldo Guayasamin shuyushkata riksina, imatalla nishanishkata yachana mana yankachu kan, nirka.
Mamallakta Tantanakuypak wiñaykawsayta riksinaka may hatunmi kan. Kunanmi pakta runakunapash riksina hayñita charishkata hamutani, chaymanta punchanta hayñita charinkapa ñakarina knchik nirka.
Kutin, Marlon Pillacela yachakuk, Ecuador llaktapak wiñaykawsayta riksinaka may allimi kan nirka, maypimi kamachiykuna killkakrikta riksinapash may allimi kan.
Mamallakta Tantanakuypak wasi ukuta purishpa, rimanakuna Hatun Ukuta riksirka, kay ukuka Nela Martínez shutitami charin, paya kallari kamachiy killkak warmimi karka, ñakarinata mana shaykurkachu, paymi llankakkunapak, runakunapak, tantarikunapak hayñita ñawpakman pusharka.
Kay Carlos Abad, chay Educación para la Ciudadanía yachayta pushak, kay Salón Plenario ukupi llankayka may sumakmi kan nirka, kay “kay ukupimi Mamallaktapak kamachiyta atinakun, kipamanka arinin”, rimarka.
JLVN/pv/jc-kicha
