Kunan tutamanta, Young Keun Lee, Ecuador llaktapi llankak Corea del Sur llakyamanta ista kamachik Mamallakta Tantanakuy pushakta napankapa shamurka.
Paypak yuyayka, chay Chung SyeKyun kamachikpak, Parlamento de Corea del Sur Hatun Tantanakuypak shutipi, mama Elizabeth Cabezas, kamachikman shuk napay pankata charichinkapami shamurka.
Chay “Ishkantin Mamallaktapak rimanakuyka may sumakmi kan, kawsaytarpuywan, kullkiwan may alli rimanakuy tiyan, shinapash Mamallakta Tantanakuypura mashiyarina ashalla sirin”, shinami ista kamachik rimarka, paypak makiwan shuk killkata chayachirka.
Sumakrurayta kachamushka
Imashinami, Young Keun Lee, willashkashinaka Mamallakta Tantanakuypura ishkantinmanta mashiyarishpa llankanata ushanmi. Chay Corea del Sur llaktapika tukuri sumakruraywan llankan, chaypika mashna kullkita tukuchishkata rikushpa, kamaykunata rikushpami sinchita llankan.
Paypak yuyayka, shuk pankata killkana yuyaymi kan, chay pankami Ecuador llaktapak Mamallakta Tantanakuyman sumakrurayta chayachimuchun yanapanka, kayta munak shuktak llaktapash kay sumakrurayta hapinka.
MC/pv/jc-kichwa
