Allpapachamanta kamachiy killkakpak ista tantaripi rimaykunaka kullkimanta, llankay illaymanta, kamaymanta, hatun huchamanta rimanami kan.
Kay yuyaykunami kullasuyu llaktakunapak mutsuyka kan, Ecuador llaktamanta chusku kamachiy killkakkuna chaypi kan.
Chay Panamá llaktapi, Parlamento Latinoamericano y Caribeño (Parlatino) wasipi chay Foro Eurolatinoamericano de la Mujer, Sociedad Civil rimanakuy pusharikun.
Kayna puncha rimanakuypika sapan Mamallaktakunapi maymutsurik allichirkunakunata tiyashkata, warmikuna rimana kuskata paskashkata rimarka, ashtawankarin, llankaypi, llaktaypi kuskakunata charishkata rimarka.
Ishkayniki rimanakuypi, Ecuador llaktamanta kamachiy killkak Silvia Salgado pushashka, runakuna hawa rimaypi, Europa llaktamanta, Apya-yala llaktakunamanta kamachiy killkakkuna karka. Kamachiy killkak Pamela Aguirre, Ecuador llaktamanta rimayta charik, paraísos fiscales hawa rimarka, mana kamachiywan llankakuk kullkikuna anchurichun mañarka, shina chay paraísos fiscales llaktakuna chinkarichun rimarka.
Kay “ Mirarik wiñayta, charishkakunawan paktaraki tiyachun kashkinchik, tukuylla rikuyta pushakpi paktanka. Kaytaka paraísos fiscales wasipi 7,6 patarichishka hunu dólares kullki tiyakpikana mana usharinkachu”, Aguirre kamachiy killkak rimarka.
Hatun rimanakuywan tukurirka
Kay Ecuador llaktamanta: Silvia Salgado, José Serrano, Rosa Orellana, Alberto Zambrano rik kamachiy killkakkuna, kunanmi tantarishpa rimanakuyta charirka, chaypika: Seguridad, Delincuencia Organizada Transnacional y Territorio hawa rimarka, 12h00 sayllatami rimanakuyka minkashkakunawan paskarinka.
MC/pv/jc-kichwa
