Mamallakta Tantanakuypak Acuerdo de la Coalición Legislativa por la Transparencia Fiscal llaktay tantariman yaykurishka 13 kamachiy killkakkuna arinishpa shutita aspin.
Kay yuyaritaka Corporación Participación Ciudadana tantari, Corporación de Estudios para el Desarrollo tantari, chaypak Departamento de Estado de los Estados Unidos kamaywasi yanapan.
Chay shuti aspipika Ecuador llaktamanta, Mamallakta Tantanakuyta pushak Elizabeth Cabezas, shuk hatun unanchami kan nirka.
Kamachiywan tantarishkakuna, llaktaykunawan tantarishpa llankachunmi mashkanchik rimarka, Mamallaktata kamaywasi tukuchun shuyanchik. “Kunanmi tawka llaktay tantarikunaman achiklla willayta chayachin, kipaka tantarita charin ”, shinami Ruth Hidalgo, Participación Ciudadana kamaywasimanta shamuk rimarka.
Kay Elizabeth Cabezas Mamallakta Tantanakuyta pushak, rimaypak chaninaka rimarka. Runakuna chakatarishpa llankachun rikuna nirka. “Achiklla llankaytaka, ima tiyashkakunata achiklla rikuchina ñantami rikuchin. Runakunapak tantarimanta tiyachinataka chikan chikan mañaykunata chayachin. Chayta rikusnkapa mana achiklla rikuchinalla kanchu”, shinami rimarka.
Runakuna llankana
Kay llankayka shuk watata chawpita uniyanka, chayka Ecuador llaktapi achiklla tiyakta rikuchinka. Shinami kay llaktapi llankak Todd Chapman, Estados Unidos llaktapak kamachik, runakuna ñapash imashina hatun kamachik pushakushka kullkiwan llankayta pushana kan nirka.
Mamallaktapak kullkika mana mayhan charikushkapak kanchu Chapman kamachik riksichirka, llaktakunapakmi kan nirka, tawka llaktay tantariman yaykurishka kamachiy killkakuna tantarishkaka allimi nirka.
MC/pv/jc-kichwa
