Shinami Comisión de Fiscalización y Control Político tantaripi, chay Fiscal Subrogante, Thania Moreno kamachik, Fiscal General del Estado, Carlos Baca Mancheno kamachikta llaktay wanachita rurankapa paypak rimayta churarka,
Paytaka minkashka llankayta mana paktachishkamantami shina huchachin, kipaman paypak huchamanta, shuktak llakikuna rikurirka nshpa huchachin.
Kay Moreno kamachikka, Baca kamachik 2017 watapak, kapak killa tukuri punchakumanta, 2018 watapak kallari punchakunakama llankayta sakishpa ista llaktaman rirka nishpa willarka, kamaywasitapash llakipi sakirka, mayhanmanpash mana minkashpalla rirka.
Chay Baca kamachik, Mamakamachiyta pakirka, shinallatak Código de la Función Judicial, Servicio Público kamachiykunatapash pakirka nishpa willarka.
Shinallatak, taripak chapakkunata anchuchirka, shinallatak Fiscal General kamachikta, Andrés Páez, Fernando Villavicencio, Diego Fuentes mishukuna wanayta churashka ama rikuchun mana rurarka, 30S puncha llakita rikuchik kuyurik shuyupi makita churashka rikurin nirka, yanka wanay katikuyta rikuchin.
Wanayta churak kamachik, mana llullashpalla. Llaktaywan mana kimirin, kamachiwan kimirishpa willani nirka. Kay Consejo de la Judicatura kamachikkuna llankayta sakirka, killkakpak makipi rikuchun sakirka, shinallatak Fabián Salazar kamachik kay wanaykunata killkashka pankakunata chayachichun mañarka.
MG/pv/jc-kichwa
