Kayna 5 puncha, ayriwa killapi 2018 watapi, Elizabeth Cabezas Guerrero, Latacunga llaktapi Mamallakta Tantanakuyta pushak Hatun Kamachikkunapak tantaripi karka.
Kay may mutsurik tantarimanka Lenín Moreno Garcés, Mamallakta pushak kayashka chayarka, chaypi kamachikkuna tawka alli yuyaykunata churarka.
Kay tantarika, chay Esmeraldas markapak chinchapi, Colombia llaktawan saywapi waktanakuy llaki tiyakta rimankapami karka; kipaka Hatun kamachik kullki tupukunata yallik awaki puncha willashkata rimankapami tantarirka.
Kay tantari kallarina pacha, Lenín Moreno, Mamallaktata pushak, kay hatun kamachikkunapak tantarikunaka sapan tantarikushka suyupi imashinami llaktaypak, kullkipak, runakunapak llaki tiyakta rimankapami alli kan nirka.
Ashtawankarin, llaktakunapak mutsuyta rimankapa, kaykunataka imashinami chay Secretaría Nacional de Planificación y Desarrollo, Senplades kamaywasi rikuchishka llankayñanta katishpami rikuna kan nirka.
Kipaman, kay tantari tukurina pachaka willana hillaykunawan riamashpaka, Mamallakta Pushak, kay Wilmer Álvarez, shuk awka wañushkata yuyarishpa nanarirka, payka Mataje llaktapi, kay wata 20 puncha, sarun pawkar killapimi wañurka.
Kay Consejo Asesor de Seguridad tantaripi paya awkakuna yuyayta kushkawan, pichka tupukunata churarka, chayka: kikinllatak karupi kamachikkunata, iñikkunata, willakkunata, shukatak kamachikkunata kayana hawa yuyarirka. Chay Colombia, Juan Manuel Santos, Hatun pushakwan kimirishpa llakta saywapi llankana yuyayta churarka, Consejo de Seguridad Pública tantariwan punchanta llankay kachun yuyarirka.
EG/pv/jc-kichwa
