Kamachiy killkak Silvia Salgado, San Lorenzo, Mataje llaktamanta shamuk, Tumaco, Colombia saywapi kawsak pushakkunawan, tantarikunawan, kamaywasikunawan, katukkumanawan, makirurakkunwan, chalwakkunwan, uchilla tarpukkunwan, shuktakkunwanapash wanayta churarka.
Shinallatak chay llaktamanta runakunaka chaypi Mamallakta paykunawan chikan chikan mutsuykunapi llankachun mañarka.
Llaktay ukupi, awkakkuna chaypi kachun rimankuna, paykunaka Mamallaktapak allpakunata kamanka, saywapi llaki tiyakta chapanka, shinapash chay llaktapi kawsak runa imashina purikukta riksinkapa ashalla munay tiyan, awkakuna chaypi kashpa llaki tiyakta mana alli riksin.
Chuya yaku, mapa yakupak tutu, purina ñankuna, allikawsay tiyachun, yachay tiyachun kullkita churachun mañan, kaykunaka: ñalla paktachina mana kankachu, shinapash kay llankaykuna kamana llankayñan ukupimi kana, kamachiy killkak rimarka.
Kay Comité Permanente de Solidaridad por la Paz y Seguridad en la Frontera tantari, kamay llankay ukupi, kasiklla kachun, kullkita kutintak wiñachina ukupi kankapa mañan, chay llaktapi punchanta kawsak runakunami kay saywa llaki tiyak anchurichun achkata yanapanka
Kamachiy killkak Salgado chay llakirishka runakunata, shuwashka runakunata kishpiyrichun yanapankapa kutintak arinirka. “Kawsay katin, shinapash llakikuna rikurishkamanta shuktakmi tukushka, runakunapak kawsayta allichina rayku, awkakunatami kallaripika kamachun churarka”, kutintak rimarka.
Chay San Lorenzo kitimi chimpa canal de Panamá llaktaman kuchulla kan, mamakuchaka 14 Waranka ukuman tuputa charin, shinapash mana mamakucha punkuta charinchu. Alli mayuñanta, kuri chukitami charin, shinapash chay llaktapi kawsak runakunaka llankayta mana charinchu.
RSA/jc-kichwa
