Shinami 24 markamanta wipalakunawan Ecuador llaktapak Mamallakta Tantanakuymanta tukuykuna tantarichun, kunanmanta nanarichun kayan.
“Ñuka mama kashkamanta Javier, Paúl, Efraín wañushkamanta achkata nanarini nirka. Ñukapak yuyay, pachakamakta mañay paykunawan kan. Mamallakta Tantanakuypak shutipi, Mamallakta llakirishkamanta achkata nanarini. Tukuy llankaykunami kasikayta mashkankapa kan”,
Shinami Elizabeth Cabezas, kunan puncha 12h32 pacha rimarka, Lenín Moreno, Mamallakta Pushak rimashka kipa, kimsa Diario El Comercio willakpi llankakta wañuchishka kakpi, chay ECU 911 kamaywasipi shina rimarka, chaypmi Mamallakta Tantanakuypak hatun kamachikpash karka.
Kay Mamallaktapak Wipala yana shuyuta apanka, Ecuador llaktapak 24 wipalapash shinallatak yana shuyuta apanka, shinami Mamallakta Tantanakuypak wasipi aknay tiyarka, kay Paúl Rivas, Javier Ortega, Efraín Segarra wañushkapak unanchami kan.
Kay Mamallakta Tantanakuy hatun kamaywasi kashpa wañushka willakkunapak ayllukunawan nanarirka, shinami Luis Alfredo Mosquera, Jairon Sandoval, Sergio Roldán, Wilmer Álvarez awkakuna wañushkatapash yuyarirka, paykunataka chincha saywapimi ayñi tukyashpa wañuchirka.
Mamallakta Tantanakuy kay wañuykunata, takaykuna, wasikuna wakllirikta rikushpa supaycharka, chaymanta tukuy Ecuador llaktapi kawsak runakunata tantarichun, yanapachu kayarka.
MC/pv/jc-kichwa
