Kay Directivos de Fedenaligas tantari, Comité Paralímpico tantari, Fedenador tantari, CDP tantari, Olimpiadas Especiales tantari, Federación Nacional de Básquet tantari, Academia kamaywasimanta Grupo Parlamentario por el Deporte tantariman chayamurka.
Rimanakuypi kashpaka, paykunaka Educación kamaywasiwan, Deporte kamaywasiwan chakrurishpa shuklla tukunata, pukllaykunata llakichinatami achkata manchan.
Kay tantarikunaka Mamallakta Pushakman ñukanchikpak mutsuyta killkashpa riksichinata arinirka.
Chay killkaka: imamanta chakrukushkata, taripashkata, alli mana alli kashkata, imashina ñukanchikta yanapana tuputa riksichichun mañashun nirka. Mamallaktapi pukllay tiyachun sakirikta riksinata munanchik, Sebastián Palacios kamachiy killkak, rimanakuna patakuta pushak rimarka.
Kay Eduardo Moreira, Federación Deportiva Nacional del Ecuador (Fedenador) tantarimanta shamuk, pukllana llikaka imashina kullki yanapayta charina hawa riksinkapa shuyakun, paykunami pukllanaman kimirishka tantarikuna kipaman sakirimanamanta willachun shuyan. Hatun Kamachikkuna tuputa churachun mana munanchikchu, alli yuyayta, sumak yachaykunata chaskichun munanchik nirka.
Shinallatak Sofía Viveros, Comité Paralímpico tantarimanta shamuk, tisiku warmita, karita llankaykunaman yaykuchichunmi rimarka, pukllayta achkata yanapashkata, chay waklli runakuna alli kawsayta hapichun yanaparka nishpa willarka. Shinami Ecuador llaktamanta pukllakkuna ista Mamallaktakunapi alli rikurishka nirka, kay pukllaykuna kamaykushka, ushachishka kana mutsurin nirka.
MG/pv/jc-kichwa
