Mamallakta Tantanakuyta pushak Elizabeth Cabezas Guerrero, llaktay tantaripi rimashpa shuk katikillata churarka.
Chayka antawata yallita purichikpi llakikuna rikurishkamanta wanachinata churana nirka, kay hunkakunapilla yalli takarikuna, wañuykuna tiyashka nirka.
Kay hunkakunapi yalli takarikuna, wañuykuna tiyashkata Viviana Bonilla, Mamallakta Tantanakuyta kipapushak tukuykuman willarka.
Shinallatak shamuk kulka puncha chay mushuk Eficiencia en los Trámites Públicos Kamachiyta rimanata kati killapi chura nishpa willarka.
Shinallatak kay Código Orgánico de Salud kamachiyta rimana, kay Código Orgánico Integral Penal kamachiyta rimana, mushukyachina Orgánica de Educación Superior kamachiyta, shuktak kamachiykunatapash rimanaka kallaripimi kan nirka.
Kay “llaktayukkunaka tawka kamachiykunata killkana, mushukyachina tiyakta riksinatami charin, minkashkakuna shuk rimanakuypi allichinata mana ushaktapash riksinatami charin”, rimarka.
Tukuchinkapa, shamuk hunkapi minkashkakunata pushakkunawan rimanakuyta charinkapa yuyarirka, paykuna imashina kamachiykunata mushukyachinata, mayhan kamachiyta mushukyachinata willanka, shina Ecuador llaktapi kawsak runakunaman riksichinka, Código Orgánico Integral Penal kamachiy mushukyarichun shuyana nirka.
EG/pv/jc-kichwa
