Kay Comisión de los Derechos de los Trabajadores tantariman yaykurishka kamachy killkakkunamanta 11 kamachy killkak apuchita kurka.
Shinami Seguridad Social kamachiy allichirichun yanaparka, kay kamachiyka Lenín Moreno, Mamallakta Pushak kachashkami karka.
Shinami Seguro Campesino paya runakunaman 65 dólar kullkimanta, 100 dólar kullkiman wichiyarka.
Kipaman chayta arinishpa kamachiy killkakkuna kushilla sakirirka. Kayka pakllapi kawsak runakuna, chalwakkuna mañashkami kan.
Tisiku, payayashka runakuna kunanpi kullkita hapikukman, kay kamachiy mushukyachinapika, 2018 watapak, kulla killa 1 punchamanta kullkita kuna kallarinka, Kamachiy Kipupi killkarishkata mana washaman churankachu.
Shinallatak kari kashpa, warmi kashpapash ayllupak uma kachun riksin, payman kay llankaypi payayashkamanta, tisiku kashkamanta yanapay kullki chayanka. Imamantapash kariwarmi, shuktak llakita charikpipash tsikninata, manyayachinata, harkanata mana usharinkachu, Seguro Social Campesino ukuman yaykurinatami ushanka.
Kay Kamachiy Kipupi killkachishka kipa 30 punchapi, Consejo Directivo del Instituto Ecuatoriano de Seguridad Social tantari, kamachiy tiyakta hapishpa kamaywasi ukupi llankak kamachiyta allichirina tukurka.
Shinallatak, kay kamachiyta allichinkapa mutsurishka hillaykunata churana mutsurirka, shinallatak sumakruray hillaykunata churanka, kipaman kay mushuk kamachiy rimashkata llaktakunaman riksichinka, katikuykunata churanka, chaymi runakunaka kamachiypak yanapayta chaskinka
RSA/jc-kichwa
