Kay Comisión de Biodiversidad tantarita pushak, Johanna Cedeño, chay Mamallakta pushak allichishka Circunscripción Territorial Especial Amazónica kamachiyta, Mamallakta Tantanakuy kutintak atinakuchun mañarka.
Kay 34 nikita allichishkamanta 18 nikita arinina nirka, shinallatak Mamallakta Tantanakuy 16 nikita allichishkatapash arinina kan nirka.
Shinami, kay nikikuna antisuyu markakunapak llaktakunata achkata yanapanka nirka.
Kay yanapayka, antisuyu markakunapi llankayta, yachayta, kullkita, shuktak maymutsurik llankakykunata rurachun tumpinka nirka.
Chay Fondo para el Desarrollo Sostenible Amazónico kullkitaka, Antisuyu llaktamanta surkushka punkarata katushpa chay kullkiwan yanapanka nirka, sapan punkara mankata katushkamanta 1 dólar kullkita mana urayman antisuyuman churachun nirka, kay kullkitaka shamuk watamantami kallarinka nirka.
Kay kamachiyta killkankapaka 200 tantarikuna paykunapak yuyayta churarka, shinallatak Antisuyupak 6 markakunamanta tantarikunapash yuyayta churarka, chaymanta kay kamachiyka kullkita mañankapa, purina antawakunata allichinkapa, alli kawsayta charinkapa, yachayta charinkapa tumpinka, kaykunami llaktapak kallari mutsuykuna kan nirka.
Antisuyumanta kamachiy killkakkuna, kikinllatak karupi kamachikkuna sapan markapi hatun yachana wasi wiñarichun mañarka, chay chayana wasikuna suyupi tukuy mutsuykunata allichirichun llikarishpa yanapanka nirka.
Chay Johanna Cedeño kamachiy killkak, antisuyumanta surkushka punkarata katushka kullkiwan mutsurishka llankkaykunata rurana, imashinami: mapa yaku tututa, pachamamata allichina, zirmata chayachina, paklla ayllullaktakunaman ñanta chayachina, allpakunapi tarpushpa pukuchina, antisuyupak charimushka sachakunata, wiwakunata kamana nirka. Chaykunapak punkarata katushka kullkika tumpichun mañarka.
RD/pv/jc-kichwa
