Kay kamachiyta yanapankapa Carchi, Sucumbíos, El Oro, Loja markakuna shamurka.
Shinami Desarrollo Fronterizo kamachiy chincha saywapi llankayta kallarinka.
Mamallakta Tantanakuy 114 apuchiwan Desarrollo Fronterizo kamachiyta arinirka, kipaman kay kamachiy llaktakunaman yanapayta chayachinka.
Chaymanta markakunamanta shamuk, hawa patapi tiyakuk runakunata kamachiy killkakkuna hatarishpa, kushiyarishpa yupaycharka.
Ñapash kay kamachiyka chay Kamachiy Kipupi killkarinkapa rinka, saywan manyapi kawsak kamachik chanishka karka, akllashka llankaykuna wiñarichun yanapanka. Ashtawanpash suyu llaktakuna kapuk mirarichun, chikan chikan chakra wachukuna tiyarichun, suyupi kapukkuna mirarichun achkata yanapanka, ayllullaktakunapi llankak kamachikkunatapash ñawpakmman katichun tumpinka.
Shinami, Tulcán kitita pushak Julio Robles, payka Ecuador llaktapak, Colombia llaktapak saywapimi llanka, chay saywa llaktakunpika ñapash Mamallakta llankaykunata churashpa, runakunata yachaypi, kapukwasita churashpa, allikawsaypi yanapashpa llankachunmi mañan, chaymi paykuna mutsurishkata paktachinka.
Kay kamachiywanka Mamallaktpi tiyak kullikunawan saywa llaktakunapi llankayta rurankapa tumpirinka. “Shinami yallik watakunamanta Mamallakta chay llaktakunaman llankay manuta charishkata allichichun tumpinka”, nirka. Paymi mashna llakikunata charishkata shutichishpa rikuchirka, pukushka murukuna mana tiyak llakita ñawpapi churashpa riksichirka.
MC/pv/jc-kichwa
