Shinami, Carlos Bergmann, Mamamallakta Tantanakuy kipapushakta, chay Grupo Interparlamentario de Amistad Ecuador-Alemania tantarita pushak kachun, shayachirka, tutin Guayas markamanta Verónica Guevara, killkakamayuk tukurka,
Kay Grupo Parlamentario de Amistad Ecuador-Alemania tantariman Kharla Chávez Bajaña, Marcela Holguín Naranjo, Esther Cuesta Santana, Luis Fernando Torres, Wendy Macías, Franco Romero, Mariano Zambrano, Carlos Bergmann Reyna, Verónica Guevara Villacrés kamachiy killkakkuna yaykurirka.
Kamachik Carlos Bergmann, sapan wanra puncha, 15h30 sayllata tantarichun nirka, kaymanta 15 punchapi Ecuador llaktapi llankak, Alemania ista kamachikwan shuk llankay rimanakuyta charishun nirka, chaypimi shuktak kamachikkunapash kanka, shina kamachiy killkakkuna, hatun kamachikkuna, mintalakkuna, yachachikkuna,
Yallik watapak kuski killapi, sasi killapi chay Comisión de Medio Ambiente kamachikwan, Energía Nuclear kamachikwan, División para los Países Andinos del Ministerio Federal de Relaciones Exteriores kamachikwan rimanakuyta charirkanchik, yapa chay Unión Europea llaktawan shuk yuyarita charirkanchik nirka.
Yallik watakunamanta yaykurishka
Kay Ecuador llaktawan, Alemania llaktawan 129 watata rimanakushpa shamushka, kunanka ishakantin Mamallaktakuna makita kushpa llankanata sinchiyachina munay tiyan.
Mintalaypika, Alemania, Unión Europea llaktakunapi ñukanchk llaktamanta kapukkuna kimsaniki katuypi taririn nishpa riksichin. Shinami 2016 watapika 548.9 hunu dólar kullki katurirka, shinallatak 2014 watapika 525 hunu dólar kullki katurirka.
MG/eg/ jc-kichwa
