Mana harkashpalla muspachik hampi mikukta rikushpami Mamallakta Tantanakuy yapa mancharishka kan.
Kunanmi kamachiy killkakkuna, kay llakita yachakkuna imashina harkanamanta rimanakun, uchillakuna, wamrakuna ama millpuchun tukuy llaktay llikata churana hawa atinakun.
Mama María Mercedes Cuesta, payka Grupo Parlamentario tantarita pushakmi kan, ayllupi, yachana wasipi, ayllullaktapi mana millpunamanta alli ñankunata yachachishpa harkanka.
Chaymantami runakuna kay miyuyta hapikta mana alli kakta rikischishpa, muyuntinpi llaki rikurishkata anchuchishpa harkanka; kay hampita millpukta mana supaychashpalla, runata wakllichin nishpa harkashpa yachachinka.
Kay yachayka harkana llaktayta maruta rurakkunata yachachinka, muspachik miyuyta millpushpa unkushkakunata imachina hampinatami rikuchinka, imashina Mamallaktapi unkuyta ashayachinaka kamaywasipura makkita kushpa llankanami kan.
Kay Ecuador llaktapi imanik maruka, 2017 wata kulla killamanta, aymuray killakama, Ministerio de Salud kamaywasi 8.554 musparishka llakita charik runakunata chaskirka, shinami tukuy llaktaymanta rimashpa kamachiy killak Cuesta, riksichirka, Mamallaktapi kay unkkuywan kashpa runakuna mana kullkita llankaywan wiñachin nirka.
Kutin, Secretaria Técnica de Drogas, Ledy Zúñiga kamachik, kipaman llaki tiyanata rimarka, shinallatak, miyuy hapimpita harkana Plan Nacional llankay hawa rimarka. Wamrakunaka shuktak wamarakuna, runakuna, ayllukuna millpukta rikuhspa paypash katinka. Chaymanta ama millpuchun allichina, yachachina kan nirka, shinaka mana millpuna. “ Mayhanpash kay llaki hawa rikuchik mana tiyachu, chaymanta wasi uku aylllumanta rikuichina, yachachina kan”, nirka.
RSA/eg/jc-killkak
