Chay eurodiputados kamachikkuna ñukacnhik llaktapi taririn.
Kunan wanra puncha chay Luis de Grandes Pascual kamachik pushashka, shuk llankay rimanakuyta Elizabeth Cabezas Guerrero, Mamallakta Tantanakuyta pushakwan, tawka kamachiy killkakkunawan rimankauyta cahrirka.
Karu llaktamanta shamukkuna Visa Schengen llaktaman Ecuador llakta ama yaykuchun harkanata paktachinka.
Kay visado Schengen pankaka hatun kamachikkuna churashkami kan, chay panka mayhan munakkuna chay Espacio Schengen pampapak kanchapi, ukuman shuk Mamallaktapilla shina kishpiyrishka purinatami yanapan, chay pampaka 26 Mamallaktakuna wallparishkami kan.
Mama Elizabeth Cabezas, Parlamento Europeo kamachikta alli shamushka nishpa, Ecuador llakamanta (Guillermo Celi, Ana Belén Marín, Fafo Gavilanes, Homero Castanier, Ximena Peña kamachiy killkakkunata) rikuchishka kipa, Ecuador llaktamanta rik runakuna chay Europa llaktapi paykuna mutsushka rurashpa purichun ama harka tiyachun yanaparka.
Sarun 14 puncha, pawkar killamanta, ña Mamallakta Tantanakuy pushak tukushka kipa, tukuy kamachiy killkakkuman, runakunaman rimayta kushpa shuklla yuyayta wallpashpa paypak apuyta paktachirka, shina kamachiy killkaynata, llankayta rikunata ñawpakman pushanka.
Paymanta, Europa llaktama kamachiy killkakta pushuk, Luis de Grandes kamachik, Parlamento Europeo kamachiy killkak, Ecuador llaktata yanapan, Ecuador llakta paypak chincha suyupi llakita charishkamanata yanapayta mutsun, yapa tukuy sami llankaykunapi yanapankapa yuyarin.
“Kayna shukta kamachikkunawan rimanakuyta charirkanchik, kunanka kay ñukachikpak wasipi kanchk, shina Europa llaktawan, Ecuador llaktawan makita kushapa llankanata yuyarishun, shinami Acuerdo Comercial Multipartes llankayka, achka yanapaytami chayachishka”, rimayta tukuchirka.
EG/jc-kichwa
