Kunan tutamanta mama Elizabeth Cabezas, Mamallakta Tantanakuyta pushak willana hillaykunapi rimarka.
Chaypimi Consejo de Administración Legislativa (CAL) tantari, Consejo de Participación Ciudadana Transitorio, Julio César Trujillo kamachikta, kunakkunata kayana nirka.
Kay rimanakuypimi paykuna llankashkata willanka nirka. Kipaman CPCCS tantariwan Mamallakta Tantanakuywan rantinpak llankana yuyaymi kan willarka..
" Kay yuyarika CPCCS tantariwan Mamallakta Tantanakuywan makita kushpa llankana achikllami rikuriktami paktachin”, nirka. Kunan 17:00 sayllata Julio César Trujillo, CPCCS rimanakuyta charinkapa shamunka, kunakkunapash paykuna llankashka rikuchinkapa shamunka. "Yuyayka willana ñanta charina munaymi kan, ishkantin kamaywasi kimirishpa shuklla tukushpa rantin rantin llankana", nishpa rimarka.
Hatun llankay
Mama Elizabeth Cabezas mana paykuna llankashka rikischichun mañanchikchu, kaykama imashina llankashkata willachunmi mañanchik nirka. “Ishkantinmanta yanapanakushpa llankana yuyaymi kan, chayllatak Consejo de Participación kamaywasipak llankayta yanapachunmi”, rimarka .
Kay minkashkakuna, mutsurikpika paykuna rimanakuyta charishpa kayanata ushanmi, chaypak shuk llankayñanta charina yuyaymi kan, kay CPCCS kamaywasipak pushak, kunakkunapash rimashpaka may allimi kanka nirka.
MC/pv/jc-kichwa
