Shinami Lenín Moreno, Mamallakta Pushak allichishkata Circunscripción Territorial Especial Amazónica kamachiyta kaya 10, kulka puncha, aymuray killapi arininka, chayka 15:45 sayllamanta rimanakuy kallarinka.
Chaypmi kamachiy killkakuna alli yuyaykunata churashpa yanapanka, shina alli kamachiy killkarinka.
Shinami, mama Elizabeth Cabezas, Mamallakta Tantanakuyta pushak kayashkapi riksichin, kay kamachiyta arininaka Mamallakta Tantanakuypak llankana katikilla ukupimi kan, kallaripimi paktachinka nirka.
Mamallakta Pushak 34 rikuyta churarka, chaytami Comisión de Biodiversidad tantari rikurka, tawka yuyaykunami tinkirin, killkaypi allichirin, Mamakamachiywan takarik yuyaykuna allichirin, shina alli kamachiy wallparinka rimarka.
Shinapash, kay allichishka willaypika, shuktak yuyayta allichishpapash antisuyupak sapan markakunapi hatun yachana wasita, kay Fondo para el Desarrollo Sostenible Amazónico kullkiman maymanta kullkita churanatami ashtawankarin riman.
Mamallakta Tantanakuyka chay Fondo kullkika, sapan manka punkarata katushkamanta 4 % patsakri kullkita hapina kachun churan, chay kullki sapan mankamanta ishkay urayman mana kankachu, Mamallakta Pushakka 1 dólar kullkita churana, chayka 4% patsakriman paktanka.
Chay hatun yachana wasimanta, ña shuk kamachiypimi tiyan nishpa rikischin. Kay kamachiy, Kamachiy Kipupi killakarishka punchmanta ishkay watapi, hatun yanchana wasita wiñachinata rikuk kamachik mañaymashwan kallarichun churan, sapan markapi Hatun Yachanawasita wiñachishpa, mana kashpaka karupi yachana wasiwan kallarichun churan.
LILA/pv/jc-kichwa
