Kay pukllaypi makanakuyta churakta ancha huchata shina wanachina, chaypak ranti kasilla kawsayta mirachina.
chaytami Para Prevenir y Sancionar la Violencia en el Deporte kamachiyka mashkan, kaya kamachiyka Comisión del Derecho a la Salud tantaripi rimarichun yaykurin.
Kay Federación Deportiva tantari, Círculo de Periodistas Deportivos del Ecuador tantarimi kallari kay mushuk kamachiy allichirichun yuyaykunata churak kan, yanpanpash. Tawka kamaywasimanta shamuk kamachikkuna shuklla yuyayta kushpa, anchahuchayuk runakuna sinchita wanachishka kachun mañarka, chaymanta kay mushuk kamachiyta kamachikkuna yanaparka.
Tayta Nicolás Vega, kay Federación Ecuatoriana de Fútbol tantarita pushak, mushuk kamachiyka tiksi yuyaytami charin nirka: runapak hayñita ukllanka, pukllay tantariman yaykurishka runakuna, tukuy mashna runakunapash pukllana pampakunaman yaykurichun yuyayta kurka.
Paymanta, Pablo Zurita, kay Comisión de Seguridad de la Federación Ecuatoriana de Fútbol tantariman yaykurishka, pukllana pampakunapi llaki tiyashka shuyukuna, shuyukuyurikkuna tiyan nirka, chaymanta chay waktaykuna ama rikurichun shuk kamachiyta tiyachina riman.
Manarak pukllaykuna kallarikpi, pukllashka kipapash ushilla saylikuna, sawlikuna, pirutikuna rikurishka, shinapash mayhanpak kashka mana riksirishkachu, rikunkapa rikkuna chay llakikunawan kallarishka, chaytami kamachiywan pichana kan.
RSA/pv/jc-kichwa
