Kunanpi kak kamachiy killkakkuna, 116 apuchiwan, Para la Planificación Integral de la Circunscripción Territorial Especial Amazónica Hatun Kamachiyta arinirka,.
Kay kamachiyka, llankana ñanta rurana, llaktakunata nikina yuyayta paktanatami charin.
Shinallatak runakuna kawsashpa katichun, pachamamapak hayñita, pachamama llikata, tawkasami kawsayta sumaychachun kan.
Chay llankaykunaka: runakunata, kullkita, kawsaytarpuyta, pachamamata, llaktayta kamachun llankaypak uchilla kamachiykunata ruranka.
Kutin, 93 apuchiwan kutintak arinirka, Mamallakta Pushak allichishpa churashka sakirik 15 nikikunatapash arinirka.
Kunanka, kay Para la Planificación Integral de la Circunscripción Territorial Especial Amazónica (CTEA) Hatun Kamachiyka Kamachiy Kipupi shutirichun kachanka, kipaka llankayman yaykurinka, shina Antisuyu llaktakunata yanapanka.
Yanapaykuna
Kay kamachiyka Fondo para el Desarrollo Sostenible Amazónico tiyachun yanapan, kay kullkitaka kikinllatak karupi kamachikmi (GAD) churanka, paykuna ushashka: tiksi mitachita, allikawsay, yachay, wasi, kawsaytarpuy, pukllay, purina, llakta allikawsayta charichun kullkita churanka, kallaripi chaskina runakunapash yanapanka.
Kay llankaytaka tukuy kamaywasiwan, shukpaklla kamaywasikunawan makita kushpa llankashpa chayachinka, kay llankaykunataka Secretaria Técnica rikuchinka, kipaka Consejo de la CTEA arininata charin. Llaktakuna, runallaktakuna yanaparinkapa kay kullkita paykunapak tantarikunawan hapinka, chaypak tukuy kawsaypak llankayñanta charina kan.
Kay Plan Integral llankayka shuktak ruraywan chimpapurankapa, arinishkakunata llaktakunapi wiñachinkapa chay Plan Nacional de Desarrollo llankaypak ukupi churanka, chaypak tiyashkakunata kallaripi churanka.
Kay hatun yachana wasi hawa, Kamachiy Kipupi shutirishka punchamanta ishkaywata mitapi, yachana wasikuna wiñarichun, awlli kallarichun mañaymashkawan kallarinka, shuktak kuskamanta karupi yachayñanwan, shuktasami hatun yachaytapash Antisuyu markakunapi wiñachinka.
EG/jc-kichwa
