Mamallakta Tantanakuy kunan hunkapi maymutsurik tatkita kurka. Kay Educación Superior (Loes) kamachiyta arinirka, chay Código de la Función Judicial kamachiyta akllarin atinakuyta rurarka.
Shinallatak Desarrollo Fronterizo kamachiyta Kamachiy Kipupi killkachirka, shinami minkashkakuna Mamallakta Tantanakuypi katikillata paktachikun.
Kay Desarrollo Fronterizo kamachiytaka kulka, 17 puncha, aymuray killapi Kamu Kipupi killkachirka.
Shinami saywa kuchupi kawsak runakuna chay kamachiy allita llankashpa paykunapak kawsayta, yachayta, allikawsayta, kullkita allichinka.
Saywamanta 40 waranka tatki ukupi kawsak ayllukunatami ashtawankarin yanapanka. Chincha saywapika Tulcán, Bolívar kitikunapi kawsak runakunami yanaparinka, kulla saywapika Huaquillas, Santa Rosa kitikunami yanaparinka.
Shinallatak chay Loes kamachiytaka Mamallakta pushakman kacharka, chaypimi allichinka, pichanka, shitankapash. Kay kamachiywami hatun yachay kamachiyka llakta ushay tukunka.
Chaymanta achka yachakukkuna hatun yachana wasiman yaykurichun yanapanka, paykuna alli yachayta chaskinka, yachanawasikuna kullkita charichun, alli kamayta pushachun, llaktapak, runallaktapak hayñita paktachichun yanapan.
LILA/pv/jc-kichwa
