Kay chapak awkakuna, hillaykuna, manarak kallarishpa ruraykuna 24 puncha, 00:00 sayllamanta kallarinka.
Chayka 14:00 sayllakama kanka, Mamallakta Tantanakuypi aknay tukuri kama, kayashkakuna tikrankakama kamay tiyanka.
Kimsa kamay harkami kanka. 10 hatun awkakuna, 40 kipa awkakuna, 850 chapak mitachikuna harkashpa llankanka, paymi imashina kamanata, chapanata achkata yachan, shinami manarak kallarishpa, Mamallaktaman willayta kachakuypacha, aknaypacha, willashka kipa kamanata yachan.
Yaykuykuna
Shinami chay Salón Nela Martínez ukuman yaykurichun, yaykurina sayllami tiyan. Kayashkakuna Patria, 6 de Diciembre hatun ñankunatami yaykurinka, chayka 6 de Diciembre yaykurinaman, Clemente Ponce ñankama chayanka, chaypimi zirmawan kayashka pankakunata rikunka. Shuktak kayashkakunaka Gran Colombia ñanta, Piedrahita ñanta chayamunka. Waranka runakunami puka malluta katishpa hatun ukuman chayanka.
Mamallakta Pushak, Mamallakta Tantanakuyta Pushak, hatun kamachikkuna, shuk kamachikkuna, tantarita pushakkuna, shuktak tantarita pushakkuna, Ecuador llaktapi llankak ista kamachikkuna kaya aknay hatun tantaripi kaynanka.
Shinami Pablo Dávila, Escolta Legislativa awka hatunkamahik, Mamallakta Tantanakuypak ukupi shukllasami awka pushaymi tiyan nirka, shuyakunkapa, hillaykuna, chapakkuna, piturikunata, yanapaykuna, ima llakikuna tiyakpi yanapankapa tukuykunami allichirishka kan nirka.
MC/eg/jc-kichwa
