Mama Elizabeth Cabezas, Mamallakta Tantanakuyta pushak, María Alejandra Vicuña, Mamallakta Kipapushakwan ishkantin, Mamallaktapak hatun kamachikkunawan, Ecuador llaktapi kawsak istakamachikkuna, hatun awkakamachik, hatun chapak kamachik, chay Cima de la Libertad kuskapi karka.
Shinami kunan tutamanta chaypimi Batalla de Pichincha de 1822 watapi wañushkakunata yuyarirka, sisata kamarita kurka.
“Kayka hatun kishpiyrita yuyarimi kan, kay punchamantami shuktak apya-yalapak Mamallaktakunaman kishpiyrina ñan paskarirka”, shinami Elizabeth Cabezas rimarka.
Hatun yuyarishka, Simón Bolívar llaktay yuyaywan, shinallatak Antonio José de Sucre, awkaymanta maymutsurik llankayta rurarka. Mana maypi tiyak llankayta rurarka, Apya-yalapi mana chinkarina llankayta rurarka”, rimarka.
Kishpiyrina puncha wacharirka
Mama María Alejandra Vicuña, Himno Nacional de Ecuador takita takishpa kallarirka, Batalla de Pichincha makanakuywan kishpiyrishka llukshishkamanta yuyarirka. Chaymanta 24 de Mayo de 1822 punchata yuyarirka, kay sinchi ñakarita awkakuna ñakarishkami paktarka, chaywan España llakta llapikukta picharka.
Kay Fuerza Aérea Ecuatoriana hawa wayramanta sumaychayta kacharka. Kutin Templo de la Patria, wasipi hatun kamachik Batalla de Pichincha wasiman kamarita chayachirka. “ Kay Fuerzas Armadas awka kamachikkuna paykunapak yachayta ashtawan sinchiyachina kan, kaytaka Mamallaktapak tukuy kamaywasikunami rurana kan. Wiñaykawsaymi ñawpakman kawsayta rikuchin”, shinami César Merizalde, Comando Conjunto de las Fuerzas Armadas kamachik rimarka.
MC/pv/jc-kichwa
