Ishkay waranka runakuna Lenín Moreno, Pushakpak shuk wata llankay willayta chaskirka Mamallakta Tantanakuyman shamurka.
Shinami tantarikuna, tisiku runakuna, kamachiy killkakkuna, kamachikkuna, awka kamachikkuna, ista kamachikkuna, shuktak runakunapash Mallakta Pushak willashkata uyarka.
Mamallakta Pushakpak willayka Mamakamachiy mañashkami kan, payka Plan Nacional de Desarrollo llankayñanpi kimirishpa Mamallaktaman willarka, shinami shuk watata llankashkata willarka, kaypi kak runakuna kusiyarishpa makita waktarka.
Kayashkakunaka 06h30 sayllamanta, 09h30 sayllakama yaykurirka, kay Salón Plenario hawa ukuman runakuna huntarka.
Shinami tantarikuna, tisiku runakuna, kamachiy killkakkuna, kamachikkuna, awka kamachikkuna, ista kamachikkuna, shuktak runakunapash Mallakta Pushak willashkata uyarka, shinallatak Jefe del Comando Conjunto de las Fuerzas Armadas kamachik, Chapak awkakuna, Armada y Aviación kamachikkuna chayamurka.
Mamallakta Tantanakuyta pushak Elizabeth Cabezas, Mamallakta Pushak, Lenín Moreno Hatun kamachikta chaskirka, Viviana Bonilla, Carlos Bergmann kipapushakkuna, María Alejandra Vicuña Mamallakta Kipapushakta chaskirka.
Kay aknayta willakkunapak munaymi karka, shinami 250 willakkuna chayamurka, killkakkuna, pupakkuna, shuyukuyurikta hapikkuna, karurikuchikkuna, ankikuna, istallaktamanta willakkuna, shuktak willakkunapash karka. Shinallatak kaymanta willaypacha riksichik kaypi karka.
Imashinami ñawpakman riksichishka karka, 11:00 sayllamanta, Salón “Nela Martínez ukuman” yaykurirka, kay pachapimi Mamallakta pushak shuk watapi llankashkata rikisichirka, kipaman llankaypi harkakuna tiyanatapash riksichirka.
RSA/pv/jc-kichwa
