Kay chilla, 30 puncha, aymuray killapi 10:30 sayllata, Comisión del Desarrollo Económico tantari Aviación Civil kamachiyta allichinkapa atinakunka.
Shukka chárter pawaykunapi kamankapa rimanka, shuktakka antanka urmashkakunata taripankapa ñanta mashkanka.
Kallari kamachiyka Ximena Peña kallarishka kan. Kay kamachiy mutsuykuna tiyashkamanata, llaktayukkuna mañashkamanta llukshishkami kan nirka.
Kay taripaykunapika chárter pawayka mana alli nikishka charikta rikuchirka, shinallatak kay Mamallaktapi runakunata chaskina ukuta mana charinchu, kay kamachiyka chay illakkunata huntachinatami yanapan.
Shuktak mushuk kamachiytaka César Rohón kamachiy killkak rikuchirka, Mamallakta Tantanakuy mushukyachishkapi yapankapami karka, chaywan Junta Investigadora de Accidentes (JIA) tantari 12 killa tukuri willayta chayachichun yanapanka, kay saywataka Código Aeronáutico Internacional kamachiymi yallichin.
Shinami Mamallakta Tantanakuy JIA kikinllatak llankachun kurka, chayta Rohón kamachiy killkak riksichirka, mushuk yuyaykunata paktachinka nirka, shuktak ista kamachiy rimashkata, chay Acuerdo Internacional kamachiykuna rimashkata paktachichun nirka.
LILA/eg/jc-kichwa
