Mayhantak wakinpi pukllana pampaman paypak aylluntin mana rishka.
Mayhan rikukpak pukllaymi kan, pukllakpakka shuk llankaymi kan.
Yallik glorias del fútbol llankayman yaykurishka, mayhan pukllayman yaykurishka sinchi sumakruray llankayta charin, sinchi pukllaywan takarin, kamaytapash mana charin.
Kay Iván Hurtado, Asociación de Futbolistas del Ecuador (AFE) tantarita pushak, kay Futbolista Profesional Kamachiyta, Carlos Bergman, Mamallkata Tantanakuypak kipapushakman chayachirka.
Mayhan pukllashpa kawsakkuinatami kay kamachiyka kamanata munan, paykunata pukllashpa llankaktami riksinata munan. Shinaka 24 watata mana llankak kamachiyta mushukyachinatami mashkan. Chaymi rumpawan pukllakwan, tantariwan kimirishpa katichun yanapanka.
Pukllaypi sumak yachayta charishka hawa, pukllay tantariman yaykurishka hawa llankaypi kamayta charichunmi mashkan. Shuktak pukllakkunawan kimirichunpash yanapan, pukllay achiklla yuyarita charinami shuk llankayman pushan, chay llankayta riksina kan, kaymi pukllakkunata, yachakkuna tantarishkawan kimirichinka.
Arinishka
Kay Carlos Bergmann, Kipushak kay kamachiy arinirichun katikuy ñankunata mashkasha nin. Paypash pukllay tantarikunata pushak kashpa, wawakunapak pukllayta pushashkata yuyarishpami shina nirka. Shina purishpa Iván Hurtado pukllakta riksishkata willarka.“ Kay kamachiy pukllay ashtwan wiñarichun achkata yanapanka, chaymanta maymutsurik kamahciy kan, chaymanta tukuy yuyaykunata yaykuchina kan, shina arinirishka kanka”, nishpa willarka.
Kamachiy killkak Jorge Corozo, kay kamachiy arinirichun llankasha nirka, pukllaypash, yachaypash ñawpakman llukshinkapami maymutsurik hillaymi kan. Ñawpakman shamuk runakunata yanapak kamachiyta arinina kan, shuk allita yachak allita kamashka kachun rikupaychik.
MC/pv/jc-kichwa
