Mitsarina hayñita charishpa, Gustavo Jalkh, Consejo de la Judicatura kamachikta wanachina uyashpa, pantaykunami kamachiywan llankanata allichinkapa yanapashka nirka.
“Kay wallpata mana munashpaka, chay 2011 watapi llaktakunata tapuypimi arinishka kan, llaktakuna arinishkata pakankapa shuk ñanta mashkanami kan”, nishpa rimarka.
Rimayta kallarishpa, Jalkh kamachik, Contraloría kamaywasi rikuchishka pankata chanishkata atirka.
Chay pankami llaktay wanachinata rurankapa tiksi kashpa yanapan nirka. Kay Contraloría kamachikka, pay kachashka pankataka, kamaywasimanta mana llukshishka pankachun kan nishpa illushkami kan, nirka.
Kay Comisión de Fiscalización tantaripi, Gustavo Jalkh kamachik, chay rimashka panka, kamachiywan killkashka kashpaka, paypak willaypi kay Consejo de la Judicatura kamaywasita mana alli rikuyta rikuchina karka, mana mishanakuyta rimanchu, mashna mishanakushkatami rikuchin.
mana sakina pantay
Kay wallpataka asti katikuypi rikuchishka hawa, Gustavo Jalkh kamachikka, kay ñanta katishpa wanachishkaka tukuy kay Kunak ukupika uchilla patsakrimi kan. “Pantayta mana sakina wanachi, mana tiyashkachu, mayhanta huchachina munaypash mana rikurinchu”, yapa rimarka.
Kay Consejo de la Judicatura kamaywasi ushay muyuypi, hatun kamachikpak shuklla kamaywasimi kan, chaymantami Función Judicial kamachikkunata kaman, chapan, astin, shinami asti apuyta manyayachik ñawita, anchuchik ñawita charin.
EG/pv/jc-kichwa
