Willana hillaypi Karina Arteaga, yunkallakta paypak mashikunantin, kunan kallaripimi kay Ecuador llaktapika Cumbre Internacional Agropecuaria Manabí 2018 hatun tantari pusharikrin nirka
Shinami tarpunkapa mushuk llankaykunata mashkana, tarpuyta kutintak mirachina yuyaymi kan nirka.
Kay hatun tantarika Mamallaktamanta yachakkuna, istallaktamanta yachakkuna kaypi kanka, mushuk tarpuykunata rurankapa alli yachaykunata pallana kanka.
Shuinallatak alli yuyaykunata hapina kanka. Iskun rimanakuna patakupimi kay Banco de Semillas-Nueva Tecnología en genética y transgénicos hawa rimanka nirka.
Chayka rurashka wanukuna, wiñachik hampikuna, kapukyachinkapa katikuykuna, wiwa wanuwan tarpuyta illuna hawa rimanka. Kay Aguas, Riego y drenaje kamachiy hawa; shinallatak kullki mañachina, BanEcuador-CFN kullkiwasipi yachachinata rimanka.
Yapa, kamachiykuna, uchilla kamachiykuna, yanapak kamachiykuna, Ecuador llaktapi tarpuyta kamay, Allpa Kamachiy hawa rimanka; kay Ecuador-MIPRO llakta ukupi pukushka murukunata, istallaktapi mintalayta rimanka, unipak chay Comercio Exterior, Superintendencia de Control del Poder de Mercado hawa rimanka;
Kay Nicolás Tigua, Pueblo Montuvio pushak, kay ista llakta Hatun Tantarika tukuy tantarikunawan rimanakuyta charinka, kallari llankaytaka Los Ríos markapi pusharinka, kipaka Santa Elena, Guayas markapi, Manabí markapi, El Oro markapi, Santo Domingo markapi pusharinka.
RSA/eg/jc-kichwa
