Shinami Confederación Kichwa del Ecuador-Ecuarunari, chay Día del Ambiente puncha kashkamanta, 5 puncha, raymi killa, juez Paúl Serrano, Azuay markamanta, Quimsacocha ayllullakta churashka wanaykunata hapishpa, chay Río Blanco chuki surkuna llankaykunata sakichin.
Kay arinishkakunata hapishpami kachashkuna, pushakkuna pachamamapak hayñikuna ama wakllirichun ñakarishpa katinata mañan.
Shina uksi pachamamata charina, pachamamapi tiyakkuna kallaripi ukllana kachun rikunka, chayka yakuta ukllana Encarnación Duchi rimarka, payka Cañar llaktamanta kamachiy killkakmi kan.
Chay Yaku Pérez Guartambel, Ecuarunari Tantanakuyta pushak, ayllullaktakuna punchanta yakuta, pachamamata allita charinkapa ñakarishpa katikpi 16 watapi paktakay chayan nirka. Shinami allpapachapi tiyak 20 % runa ayllullaktakuna pachamamata kaman nishpa rimarka.
Shinapash paykuna pachamamapak 80 % allpata paykunapak makipi charin, chaymanta runallaktakunami kallaripi pachamamata ukllan, wakaychin, kaman nirka. Chaymanta paklla llaktakunapika acha yaku, wiwakuna, sachakuna, puyu, tamya, rumikuna, wayra, chiri, nuyuy, yakupampakuna tiyan.
Chay Río Blanco kuska, pichka chuki llankana kuskamanta shukmi kan, chaypimi Mamallaktapak Hatun kamachik ñawita churashkata charin nirka, Cuenca llaktapak hawa urkuman Molleturo, Chaucha ayllullaktakunaman kan, Parque Nacional Cajas allpaman kimirik allpami kan nirka.
RD/eg/jc-kichwa
