Chay Europa, América Latina, Asia, Medio Oriente suykukumanta 90 Mamallakta Foro Internacional Desarrollo del Parlamentarismo tanaripi karka.
Chay hatun tantarika Moscú (Rusia) llaktapi pusharirka, chayman achka Mamallaktakuna yachankapa chayarka.
Shinami Elizabeth Cabezas, Ecuador llaktapak Mamallakta Tantanakuyta pushak, Duma de la Federación Rusa, Vyacheslav Volodin hatun kamachikwan shuk rimanakuyta charirka. Paywanka Ecuador llakta mutsushkata, Kulla Apya-yalla mutsushka hawa rimanakurka.
Chay hatun tantaripi kakkuna, hatun tantaripak shutipi Declaración del Foro yuyarita killkarka. Shuk hatun tiksi yuyarika, chay Organización de Naciones Unidas (ONU) kimirishka Sapsi alli yuyayta killkarka.
Chay Petro Tolstoy, Duma Estatal Kipapushak: “allpapacha tukuy samipi mushukyakun, chaymanta kamachiy killkakkuna mana chikanyarishka sakirina, rimanakuyta charina kan”, nirka.
Chay Declaración del Foro hatun willayka, hatun kamachikkuna rimanakushpa wiñarishpa katichunmi achkata yanapanka, kamachiy killkakpak yuyapika, maymutsurik rimanakuyka kasilla kawasayman chayankpa tukuykuna arinshkami kan nirka.
Chikan chikan llankay patakukunapimi mayhan Mamallaktapash, paypura mana makita kushpaka llankayta sinchiyachishpaka, Mamallaktakuna wiñarinata mana rimanachu kan nirka, chaymanta shuktak pata rimanakuyta charina kan nirka.
Shinallatak llaktayukkuna llaktay yachaykunapi kana hawa rimarka, llaktakunapak shutipi llankakushpaka, illushka llakta ushayman paktankapa, runakunapak hayñikunaman chayankapa yanapana kanchik nirka.
MC/pv/jc-kichwa
