Kay Jorge Jurado, Calidad Ambiental hatun kamachik, Comisión de Biodiversidad tantariman shamunka.
Chaypi kikinllatak karupi kamachikpi imashina pachamama kakta riksichinka, mapayachikkuna yakuta, sachata, wayrata, allpata mapayachikta rikunka.
Kay hatun kamachikwan rimanakuyka 13 puncha, raymi killa, 10:00 sayllata kallarinka.
Kamachiy killkak Johanna Cedeño, kay Comisión de Biodiversidad tantarita pushak, chay Santo Domingo de los Tsáchilas markapi pachamamapak llakika Mamallakta rikunami kan nirka, chay hillaykuna, rirpu, shuktak mapayachikkuna wakllichicta riman.
Kay tawapika, mashna kitikuna pachamamata allita charikta rikunami kan, sinchita mapayachikunata maypitak shinatana, chaytami rikuna kanchik, chay llakikunamantami Ministerio de Ambiente kamachikwan, Mamallakta pushakwan rimanakuna kan, paykuna kitikunaman shuk yanapayta chayachinka, mana ayllullakta allpata mapayachinchu, ashtawankarin yakutami mapayachin.
Kamachiy killkak Cedeño, uchilla kamachikwan, kikinllatak karupi kamachik patakunawan rimanakuyta, tantarita, llankayta charishpami kay llakita ashayachina nirka, kay rimanakuyta charinkakama hatun kamachik, imashina pachamamapak llaki kakta rikushpa katinka.
JLVN/eg/jc-kichwa
