Kay Comisión de Desarrollo Económico tantaripak willayka, chikan llaktay tantariman yaykurishka kamachiy killkakkunata kayarka.
Shinami paykunami fomento productivo kamachiy alli killkarichun yuyaykunata churarka, alli yuyaykunawan yanaparka.
Shinami kamachiy killkak Mauricio Proaño, minkashka killkashka mana rikurinchu, willaypimi shina rikurin nirka.
Unipak llankay tiyachun llankayñan mana tiyanchu, chay Instituto Ecuatoriano de Seguridad Social mayhankunaman wawa kullkita mana kushpa, mana wanachishka kashpa, yapa wawa kullkita kushpa yanapana shutikunapash mana rikurichu nirka.
Chay Patricio Donoso kamachiy killkak, tarpuyta alli kamak ñami tiyana kan, chaymanta Autoridad Agraria Nacional kamachik kapukyachikkunaman unipak kullkita mañachina tiyana nirka.
Chaypa tukuylla kamaywasi, shukpaklla kamaywasi istkantin tukushpa llankachun nirka, paykuna ista llaktamanta kullkikuna llankayman yaykurichun mutsun alli kanka nirka. Tukuylla llankaykunapi mana yalli kullkita churachun, kaykunami mutsurin nirka.
Kamachiy killkak María Mercedes Cuesta, Mamallakta kullki tuputa churana mutsurin nirka, chaywan llankaykuna mirarinka, kay tupuwan alli llankay wasikunata, llaktayukkunata kamachun, llankaykuna wiñarichun. Minkashka shuklla kapukyachikkunapi ñawita churarka, paykuna llankakkunapak hayñita mana pakinka nirka. Kay 10 llankaymanta, 9 llankaymi shukpaklla llankachikmanta shamun nirka, paykuna chay Instituto Ecuatoriano de Seguridad Social (IESS) kamaywasiman kamaykullkita chayachinka nirka.
JLVN/eg/ jc-kichwa
