Kamachiy killkak Jorge Yunda, Grupo Parlamentario de Protección a los Animales tantarita pushak kan.
Chaymanta runa tantarikunata pushakunawan shuk rimankauyta charirka, chay Defensoría Pública kamaywasipak kachashkawan rimarka.
Chay mushuk allichishka kamachiywan wiwakunata, mana waktana kachun, takana kachun harkanka.
Tayta Yunda kamachuy killkak, tukuy Mamallaktapimi wasipi kawsak wawakaunata mana sarunkapa, chukrichinakapa harkana, wanachina kachun kamachiy tiyana kan. “ Wiwakuna, runakunapash mana takashpami alli kawsayta charishun nirka”, chaymanta kasilla kawsayta mashkana kan.
Chay manyamanta, Palacios wiwakunata ama llakichichun chay Código Orgánico Integral Penal kamachiyta allichina nirka, shina tantarikuna churashka yuyayta yanaparka. Chay Defensoría Pública kamachikkuna allkukunata mana waktana yuyayta yanaparka, wiwakuna alli mikuyta, wasita charichun mañarka
Chay Galápagos llakta kawsay
Chay washa, Washington Paredes, Galápagos llaktamanta kamachiy killkak kuchapi tiyak wiwakunata kamankapa shuk kamachiy tiyana nishpa riksichin. Mamakuchapi Mamallakta charishka wiwakunata kamana nirka, wampukkunami kuchapi kawsak wiwakunata manchachishpa llakichin, chaytanmi kamachikkuna rikunata charin nirka.
RD/pv/jc-kichwa
