Chay Bolivia, Chile, Colombia, Perú, Ecuador llakatakunamanta kachashkakuna chayamurka.
Chayka hatun kamachikkuna, ñukanchik llaktamanta hatun kamachik, yachakkuna, yachaymanta kamachikkuna, paykunaka Parlamento Andino tantaritami charin. Kunanpika Ecuador llaktapimi wasi kan.
Shinami Elizabeth Cabezas, Mamallakta Tantanakuyta pushak riksichirka kay Quito llaktapi shamuk tantari tiyanka nirka, chayka Parlamento Andino shutita charinka, shinami llaktakuna ashtwan rimanakuyta charishpa katinka, llaktakunapash imashina allita llankanka.
Llaktaymanta rurayman chayana kachun nirka, shinami llaktakuna ashtawan tantarishpa alli kamachiykunata surkushpa riksichinka rimarka, shinami kullki wiñarichun alli llankaykunata, llakta ushayta, runakunapak tantarita wiñachinka, chaytami llaktakunaka ashtawan mashkan.
Shinallatak ruray
Kay José Valencia, Relaciones Exteriores y Movilidad Humana hatun kamachik, kunanmi kamachiy killkakkunapak llankayta pushana, sinchiyachina kan nirka, chaymi ñawpakman tukuy suyupi llaktakuna tantarishpa alli llankaykuna, yachaykunata, alli kawsayta charinka, Mamallakatapura yachaykunata rantinchishpa hawaman llaktata churanaka.
Paymanta, mama Rosa Mireya Cárdenas, Ecuador llaktamanta kamachiy killkak, iñinamanta rimarka, shuktakkunamanta uchillayachishka karka “Shuktak Mamallaktamanta runakunaka Apya-yalapi runakuna yuyaymanta rakirishkami kanka nirka, kamaywasikuna runakunapak mitachina kachun ”, rimashpa rikuchirka.
MC/pv/jc-kichwa
