Mama Elizabeth Cabezas, Mamallakta Tantakuyta pushak tukuy awllik shuwashka kullkita tarinkapa kamachiyta churanka.
Kay kamachiyka Recuperación de Capitales shutitami charinka, kay kamachiywan shuwashka kullkikunata kutintak tarinkapa yanapanka.
Shinallatak sitwa killa tukurikama Willay Kamachiy kallari atinakuyta charichun ña makipi charishun nishpa willarka.
Kay willaytaka tukuylla willana hillaykunapi rimashpami shina willarka. Kaypillatakmi llankashkakunata katina hawa, Mamallakta Tantanakuypak katikillata, wakin llankaykunata katishkata, huchata kunkarinata riksichirka. Kay mitapi llankashka hawa llaktayukkuna imata rimashkata, kamachik katikuytapash riksichirka.
Mamallakta Tantanakuyka kullki shuwakunata katinkapa riksishkami rikurishka kan, kamachiywan katina yallitami llaktayukkuna yanapaywan Mamallaktapak llankay mana allirikurikpika katina kanchik nirka, katishpami mayhanlla tukuylla kullkiwan paykuna yanaparishkata riksina kan nirka.
Kay Función Legislativa kamaywasipak pushak wakcha runakunapak wasikuna manarak chayashkata achikllatami yuyaypi charin, kaytaka shuwakunapak makimanta tukuyylla kullkita kichushpami paktachina nirka. Kay Comunicación kamachiytaka pankata rikuyta tukuchishka kipami atinakushun, shina tawka willakkunapak mañayta allichishun nirka.
Willayta pushakkunakunawan rimanakuyta charishpam ima llakikuna tiyashkata hamutarishka kan. Chaypak Comisión de Derechos Colectivos tantari 10 mushuk kamachiykunata rikukun, chaytaka shuk ukun kamachiypillami churana kan nirka.
Mama Elizabeth Cabezas, chay huchakunata kunkarina hawa rimarka, kay mañayka Mamallakta Tantanakuypimi chayrak kan nirka, chaytaka Comisión de Justicia tantarimi katikun nishpa riksichirka, chayman Defensorías Pública y del Pueblo kamachik, wakin tantarikunapash haykurishkami kan nirka, shinami kamaywasipura makita kushpa llankanka.
LILA/pv/jc-kichwa
