Kay chaska puncha Foro Internacional “Legislando en Clave de Mujer” tantaripika warmikuna kamachiy paykunaman chayachun shuk kamachiyta paktachinka kullki mutsurin rimaymi karka.
Chay kullkiwan kariwami imashin apanakushpa llankana rimaymi karka. Yachakkunaka Mamallakta kay warmikunaman manuta charishkatami rimarka.
Shuk yachachik, yachakpi kak warmikunawan paktami yuyayta chariaka, warmikunata yanapankapa kullkita mirachina nirka.
Shnami kay Para Prevenir y Erradicar la Violencia contra las Mujeres kamachiyta, kay wata panchi killamanta llankamushka ña llankaypi paktachun munachik nirka. Kay kamachiy kullkita mana charishpaka wañushka killkami tukunka nirka.
Kullkiwan yanapay mana tiyakpika, tukuy kamachiy, tukuylla llaktaywan paktana sinchimi kanka, shinami Pabel Muñoz kamachiy killkak rimarka, payka chay Grupo Parlamentario por los Derechos de las Mujeres tantariman yaykurishkami kan. Kay tantarimi, chay Centro Ecuatoriano de Desarrollo y Estudios Alternativos (Cedeal) tantariwan ishakntin tukushpa kay yachaykunata pushamun.
Shinami tayta Muñoz kamachiy killkakpak yuyaypika warmikunapak llakita shayachinkapa tawka ruraykunata paktachina kan nirka, rikuy llaktaywanmi kayta paktachina kan, shina warmikunapak kawsayta riksishpa kullki yanapay chayachun nirka. Yallik 2007 watapika, warmikunaka 27 % patsakri urayman; 2014 watapika, 16 % patsakri urayma ; 2016 wtapika, 21 % patsakri urayman kullkita paykunapak llankaymanta hapik karka.
Chaymanta Mamallakta paypak kullkiwan warmipak llankayta achkata yanapana kan. Shinallatak Sistema Integral de Protección de la Violencia llankayaman kullkita chayachin, kamana llikamanpash kullkita chayachichun mañarka. Shina warmi alli llankaykuna ñawpakman kantinka, warmipak llakikunapash allichirishpa katinka nirka.
LILA/eg/jc-kichwa
