Mamallakta Tantanakuy 92 alli apuchiwan, 22 manani apuchiwan tisiku runakunata, ayllukunata yanapankapa arinirka.
Chayamnta ashtawankarin Lenín Moreno Mamallakta pushakwan, yallik Mamallakta Pushak Rafael Correa kunan Mamallakta pushakta hamishkamanta nanarirka.
Kamachiy killkakkuna tikisku llaktayukkunawan yanapayta kutintak arinirka, kawsaywan katinkapa mana harka kanchu, chaymanta llankaywan katinalla kan nirka.
Tisiku runakuna paypak llankaywan sinchita katik kashkata rikuchishka, pay mushuk llankaykunata rurashpa katinaka mana shaykurikta rikuchishka, runakunata tantachishpa, pushashpa mushuk rurayta tukuy runakunapak ñawpakpi tiyachinata mana sakishkachu, llaktapi, shukpaklla llankaypi akllarinkapa mana harkarinchu, mushuk yuyaykunata churanatami ushan.
Kamachky killkak Sonia Palacios, yuyarita rikuchik, tayta Lenín Moreno, Mamallakta Tantanakuyta pushak, tisiku kashpapash paypak llankaypi mana harkarishkachu, chay llankaymanta rikurishkawan tukuy Mamallaktapi tisiku kari, warmi runakuna tukuyllaman rikurichun achkata yanapashka.
Mamallaktapak kipapushak kashpa chay Manuela Espejo llankayta, Misión Joaquín Gallegos Lara llankayta hawaman pushashka, Ecuador llaktapi waranka waranka runakunata kallaripi churashpa yanaparka, achka llakikuna allichirka.
RD/pv/jc-kichwa
