Chay Jorge Gabela imashina wañushkata riksinka, César Litardo, Ángel Gende kamachiy killkakkuna taripayta pushachun minkashka sakirin.
Paykunami hatun pushak, kipapuchak akllashka sakirirka, kipaman paykuna tarishkata tukuyman riksichinka.
Kay Litardo kamachiy killkak, paypak pushana llankaymanta imashina kay llaki kashkata achiklla riksichinkapa sinchita llankana nirka.
Shina taripay llankaypi Mamallakta Tantanakuypak llankay achiklla rikurinka, runakuna allita chaskinka, llaskikunapash allichirishpa katinka.
“Mayhan willaytapash mana, pakankachu, taripay katikushkapash washaman tikrachunpash mana sakishunchu, shina Mamakamachiypak rimashka, kamachiykuna, Función Legislativa kamachiy kachashka mana washaman sakirinkachu”, shina llankashka willay imashina Walinka Gabela wañushkata riksitukunka.
Paymanta, Ángel Gende kamachiy killkak, kay hucha imashina kallarishkata 90 punchapi ña riksichina kan, chay punchakama “Mayhan urmachunpash Mamallaktaman mana llullashpalla willankapa illu kashkata mashkanka”. Ñawpa llaktakunamantami mana llullana rimay shamun nirka.
Kamachik Marcela Aguiñaga tantariman mana washayanpa shuk sayllata churana, shamuk tantaripimi kamachy killkakuna ima apuyta charinata atinakunka. Imashina huchata kashkata yachakchayanka, Gabela, walinkapa wañuy imashina kashkata riksichinka nirka.
JLVN/pv/jc-kichwa
