Kay hatunyachanawasiman, yachanawasiman, tawka sumakruray yachanawasiman, sumakrurayawasiman, makiruray yachanawasiman, takiyachana wasiman yaykuchun Educación Superior achkata yanapanka.
Kulka, 12 puncha, 09:00 sayllamanta Mamallakta Tantanakuy rimanakuyta charinka, kamachiyta allichinaka, chayman Elizabeth Cabezas pushkak kayarka.
Hatun yachanawasiman yaykurinkapa alli runa kaktalla mana rikuna, amawtan yachayta, kullki chariktapash rikunami kan.
Pakllamanta, llaktamanta, runallaktamanta, wakcha ayllumanta shamuk runakuna ashtawan yaykurichun yanapanka. Manarak yachayman yaykurishpa yachay patapi allichirichun yanpanka.
Mamallakta Pushak yachana kamaywasikuna shuti shinallatak sakirichun churan, shukpaklla yachanawasi shinallatak rimana sakirin, kaykunata Mamakamachiypak 352 nikipi hapirishpami rurashka kan.
Kay Sistema de Educación Superior kamawasipak awllikunata anchuchina hawa, hatun yachanawasikunata patachina, kay IES yanachanwasikunata alli ñawiwan rikuna riman, sapan yachaykunata, yachaykallpayta, chikan chikan kachun churan.
Sapan yachanawasikuna kikin arinina hayñita charichun tayta, sapan yachanawasikuna kikinpak kamachikta, yachachikta, taripakta, mitachikkuna, llankakunata. Shinami yachakukkuna mañashkata, kawsaypura mañashkata paktachichun churan.
RSA/pv/jc-kichwa
