Chay Creo tantaripak mashikunawan, Fernando Callejas, Mitad del Mundo kuskapi, Unión de Naciones Suramericanas, Unasur wasita rurashpa mashna kullki tukurishkata rikuchinka.
Chaytaka Contraloría del Estado rikuchichun mañanata willana hillaykunapi willarka.
Mayhan kamachiywan, yallik Hatunkamachik kullkita kushkata rikuchinka, mana alli kakpika tukurishka kullkita yupachun mañanka.
Chay 2012 watapi Unasur wasi ruray kallarin, 2014 watapi wasita tukuchin, chaypimi Ecuador llakta 40 hunuta tukuchin. Pay rikukpi, rakishka llaktay tantari tiyakpi kay wasi mana allita llankayta ushashka, chaymanta llaki tiyan.
Kallaripika, Ecuador llakta chay wasita hapichun, imashina kamanata achiklla sakichun, Unasur tantariman yaykurishka Mamallaktakunawan llakita charichun, allita rurana kan. Chay Unasur tantariman wasita kushka kakta rikuchinka.
Shinallatak, Ecuador Mamallaktapak pushak, shuktak Mamallaktakuna arinishkata charina kan, kipaman mayhan mutsukkunaman Unasur wasita kuchun. Chaymanta Contraloría kamaywasi mashna kullki karashkata, mañachishkata, yuyarishkata, shuktak rikurishkakunata willachun mañana.
RSA/eg/jc-kichwa
